DFA inaalam na kung may naapektuhang Pinoy sa sunog sa Hong Kong

Nakikipag-ugnayan na ang Philippine Consulate General Office sa mga otoridad sa Hong Kong kasunod ng mga ulat na may mga Filipino Domestic Workers na kabilang sa posibleng na-trap sa loob ng nasunog ng mga gusali sa residential complex sa Tai Po.

Sa pahayag ng konsulada, dahil sa tindi ng naging pinsala ng kalamidad, maaaring matagalan bago makumpirma ang ang bilang ng mga biktima at kanilang nationality.

Sa ngayon sinabi ng konsulada na nagpapatuloy pa rin ang hakbang ng Hong Kong Fire Services Department para maapula ang apoy.

Patuloy din ang pakikipag-ugnayan ng Consulate General sa Hong Kong Police Force Liaison Bureau.

Tiniyak ng konsulada na handa itong magbigay ng tulong sakaling mayroong matukoy na Pinoy na naapektuhan ng sunog. (Dona Dominguez)