BI nagtaas ng alerto; mga naisyuhan ng arrest warrant bantay-sarado na

Naka-heightened alert ang Bureau of Immigration kasunod ng pagpapalabas ng warrant of arrest laban kay dating Ako-Bicol Partylist representative Zaldy Co at labingpitong kapwa niya akusado sa anomalya sa flood control projects.

Sa pahayag ng BI, nailagay na sa kanilang database ang impormasyon ng lahat ng naisyuhan ng arrest warrant ng korte.

Handa ang BI na harangin ang mga ito kung magtatangka silang lumabas ng bansa gamit ang anumang paliparan at seaports.

Paliwanag ni Immigration Commissioner Joel Anthony Viado, sa sandalling maharang ng kanilang mga tauhan, agad silang makikipag-ugnayan sa Philippine National Police. (DDC)