Villar sa pahayag ni Bernardo: Malaking kasinungalingan
Isang malaking kasinungalingan.
Ito ang reaksyon ni Senator Mark Villar makaraang akusahan siya ni dating Public Works Undersecretary Roberto Bernardo na tumatanggap din ng komisyon sa flood control scandal.
Ayon kay Villar, hindi totoo ang mga akusasyon ni Bernardo.
Umapela ang senador na huwag agad – agad na manghusga base lamang sa affidavit ng dating DPWH Usec dahil ani Villar, maaaring ito ay manufactured o tinahi-tahi lamang para mailigtas ang kaniyang sarili, o mailigtas ang iba.
Nanindigan si Villar na malinis ang kaniyang rekord simula nang mag-umpisa siya bilang public servant mula sa pagiging congressman, DPWH secretary, at ngayon ay senador. (DDC)
