Floodgate sa Paco Pumping Station nawasak

Dahil sa pananalasa ng Super Bagyong ‘Uwan” ay nasira ang floodgate sa Paco Pumping Station sa Maynila.

Sa isinagawang site inspection ng Metropolitan Manila Development Authority o MMDA, ang malakas na hampas ng tubig mula sa Pasig River ang hinihinalang ang dahilan ng pagkasira ng pasilidad.

Dahil sa pagkasira ng floodgate, binaha ang catchment area ng Paco Pumping Station malapit sa Estero de Paco, Estero de Pandacan, at Estero de Concordia.

Sinabi ng MMDA na nakikipag-ugnayan na sila sa Department of Public Works and Highways para makumpuni ang nasirang floodgate. (DDC)