Cong. Paolo Duterte may patutsada kay AFP chief Brawner
May patutsada si Davao City Rep. Paolo Duterte kay AFP Chief Gen. Romeo Brawner Jr. kaugnay US Missile na kaya umanong umabot sa China.
Ayon kay Cong. Duterte, nagpapakitang-gilas sa Estados Unidos si Brawner at ang kapalit nito ay ang kaligtasan ng mamamayang Pilipino.
Ang reaksyong ito ni Duterte ay bilang pagtuligsa sa pahayag ni Brawner na mayroong US mid-range Typhoon weapon system ang Pilipinas na kakayaning umabot ng China.
Tanong ni Duterte kay Brawner, kaya ba nitong harapin ang ganti ng China?
Sinabi ni Duterte na ang AFP ay naglilingkod dapat sa taumbayan kaya hindi sila dapat gawing collateral damage sa pagyayabang sa press conference. (DDC)
