In-Service Training ng mga guro kinansela din ng DepEd

Dahil sa idineklarang “wellness break” sa public schools, kanselado na din ang pagsasagawa ng midyear In-Service Training o INSET sa mga guro.

Ang orihinal na schedule ng INSET ay mula Oct. 27 hanggang 30.

Ayon sa abiso ng DepEd, ang mga paaralan at dibisyon na nakapagbayad na venue o pagkain para sa INSET sa panahon ng break, maaari itong ilipat na lamang sa ibang petsa o gamitin para sa ibang aktibidad.

Kung hindi naman ito feasible, maaari pa ring ituloy ng INSET sa orihinal na petsa pero voluntary na lang ang pagsama ng mga guro.

Paalala ng DepEd sa mga paaralan, kailangan pa rin talagang isagawa ng INSET sa nalalabing mga araw ng School Year 2025-2026. (DDC)