Smart Houses sa San Remigio, Cebu malapit nang magamit ng mga residente

Inumpisahan na ang pagtatayo ng smart houses sa Tent City sa San Remigio, Cebu.

Ang mga smart houses ay magkatuwang na itinatayo ng lokal na pamahalaan ng San Remigio, Department of Public Works and Highways at Department of Human Settlements and Urban Development.

Ito ay makaraang matapos ang pagkakabit ng mga poste ng kuryente upang matiyak ang maayos na suplay ng elektrisidad sa mga pansamantalang tirahan.

Ayon kay San Remigio Mayor ar Martinez, ang nasabing smart houses ay gagamitin ng mga pamilya na ang bahay ay totally damaged matapos ang tumamang malakas na lindol sa Cebu.

Kasama rin sa makikinabang dito ang mga naninirahan sa mga lugar na malapit sa sinkholes at naideklara nang no-build zones. (DDC)