Validity ng travel clearance para sa menor de edad pinalawig ng isang taon

Isang taon na ang validity ng travel clearance na ini-isyu ng Department of Social Welfare and Development para sa mga menor de edad na bumibiyahe sa labas ng bansa.

Sa inilabas na abiso ng DSWD, epekto araw ng Martes, Oct. 13 ang Travel Clerance Certificate o TCC n amula sa
Minors Traveling Abroad System ay magiging valid na ng isang buong taon mula sa date ng issuance nito.

Ang 1 year validity ng TCC ay iiral kung hindi mababago ang travel companion, purpose of travel at destination country ng menor de edad.

Kung may pagbabago sa nabanggit na mga detalye ay kailangang magsumite ng panibagong aplikasyon.

Muli namang nagpaalala ang DSWD lalo ngayong papalapit na ang Holiday Season na agahan ang pagsusumite ng aplikasyon para sa Travel Clearance upang matiyak na aabot ito sa schedule ng biyahe. (DDC)