Drug den sa Parañaque City nabuwag; P394K na halaga ng shabu nakumpiska

Dahil sa walang tigil na kampanya kontra ilegal na droga ng Southern Police District (SPD), nabuwag ng Parañaque City Police Station ang hinihinalang drug den na nagresulta ng pagkaaresto ng apat na suspek kabilang ang isang high-value individual (HVI) at nakumpiska ang ₱394,400 na halaga ng umano’y shabu sa ikinasang buy-bust operation sa El Durado, Sitio Payatas, Barangay Don Bosco sa lungsos.

Ang operasyon ay ikinasa ng Station Drug Enforcement Unit (SDEU) sa ilalim ng liderato ni Col Nicolas Salazar Piñon, Officer-In-Charge ng Parañaque CPS kung saan nadakip ang mga suspek na sina “Reynaldo” (natukoy na HVI), alyas Joshua, 27-anyos;alyas Jastine Joy, 27-anyos, male, unemployed, at alyas Joanna Mae, 27-anyos,pawang nakatira sa Brgy. Don Bosco, Parañaque City.

Nakumpiska ang tinatayang 58 na gramo ng umano’y shabu buy-bust money, at drug paraphernalia.

Sasampahan ang mga suspek ng kasong paglabag sa Comprehensive Dangerous Drugs Act of 2002 habang susuriin naman sa SPD- Forensic Unit (SPDFU) ang mga narekober na ebidensiya

Ikinatuwa ni District Director, SPD, PBGen Randy Y Arceo ang mabilis at koordinadong hakbang ng Parañaque Capas kung saan mahalaga ito na labanan ang illegal drug trade.

“This successful operation underscores the dedication of SPD personnel in eradicating illegal drugs from our communities. We commend the leadership of Parañaque CPS for their proactive stance in the fight against this menace. Rest assured, under the guidance of our Acting Chief PNP, PLTGen Jose Melencio Nartatez Jr., SPD remains dedicated in maintaining a drug-free, peaceful, and safe Southern Metro,” sabi ni BGen Arceo. (Bhelle Gamboa)