Status ng Disaster Response ng DSWD ibinaba sa Blue Alert

Ibinaba na ng Department of Social Welfare and Development sa Blue Alert ang status ng kanilang Disaster Response Command Center mula sa pag-iral ng Red Alert dahil sa magkasunod na epekto ng lindol sa Cebu at bagyong Paolo.

Ayon sa DSWD, sa kabila ng pagbaba ng alert level patuloy ang pag-monitor ng ahensya sa sitwasyon ng mga naapektuhang pamilya upang masiguro ang maagap na delivery ng relief assistance.

Sa latest na datos ng DSWD umabot na sa 372,084 family food packs ang na-dispatch sa iba’t ibang panig ng bansa bunsod ng nagdaang mga kalamidad.

Umabot na sa 169 million pesos na halaga ng assistance ang naibigay ng DSWD sa mga pamilyang naapektuhan ng lindol at bagyong Paolo.

Inaasahang tataas pa ito dahil nagpapatuloy pa ang response operations ng ahensya. (DDC)