Phase out ng 2G, 3G networks ipinoproseso ayon sa DICT

Patuloy ang pakikipag-ugnayan ng Department of Information Communications and Technology o DICT sa mga telecommunication companies para i-phase out na ang 2G at 3G networks.

Ayon kay DICT Secretary Henry Aguda,bahagi ito ng hakbang para maprotektahan ang publiko laban sa mga scam.

Napatunayan kasi ng ahensya na hindi na ligtas ang 2G at 3G dahil dito nakakapasok ang mga IMSI catcher, na ginagamit ng mga scammer upang makakulekta ng impormasyon.

Ayon naman kay Aguda, “very cooperative” ang mga telco sa layuning alisin na ang mga lumang network lalo na ang 3G network.

Para naman sa 2G network, hiniling na aniya ng DICT na unahin muna itong tanggalin sa mga mall at matataong lugar, upang masigurong ligtas ang mga personal na transaksyon ng publiko.

Target ng DICT na pagsapit ng Christmas season ay wala nang magiging pangamba publiko sa kanilang online transactions. (DDC)