P1.9M na halaga ng pekeng insecticides nakumpiska ng NBI sa Valenzuela City at Maynila

Nakumpiska ng National Bureau of Investigation ang mahigit 1.9 million pesos na halaga ng pekeng insecticidessa Valenzuela City at Tondo, Maynila.

Ang operasyon ng NBI – Intellectual Property Rights Division ay bahagi ng hakbang para maharang ang paglaganap ng pekeng mga produkto.

Ayon sa NBI, mahigit 13,000 canisters ng pekeng Bao Li Lai aerosol insecticides at mahigit 3,000 canisters ng pekeng Big Bie Lai aerosol insecticides ang nakumpiska sa operasyon EveryJuan Shop sa Valenzuela City at mga warehouse sa Tondo, Maynila.

Inihahanda na ng NBI ang pagsasampa ng kasong paglabag sa Republic Act No. 8293 o Intellectual Property Code of the Philippines laban sa may-ari ng shop at mga waehrouse.

Pinag-iingat din ng NBI ang publiko sa mga tinatangkilik na produkto at hinikayat na tiyaking hindi peke ang kanilang nabibili. (DDC)