Mamamayan hinikayat na makiisa sa National Day of Prayer and Public Repentance sa Oct. 7

Nanawagan sa publiko ang Catholic Bishops’ Conference of the Philippines na makiisa sa “National Day of Prayer and Public Repentance” sa Martes, October 7 dahil sa mga naranasang kalamidad sa bansa at isyu ng korapsyon.

Sa liham na ipinadala sa mga diocese, hinikayat ni CBCP president Cardinal Pablo Virgilio David ang mga Parokya, chapels, paaralan, pamilya at church organizations na makilahok sa sa National Day of Prayer na natapat din sa kapistala ng Our Lady of the Holy Rosary.

Isang special prayer din ang dadasalin simula Martes at sa mga susunod na mga araw ng Linggo hanggang sa araw ng kapistahan ng Christ the King sa Nov. 23.

Ang panalangin ay mayroong titulo na “A National Cry for Mercy and Renewal” kung saan hinihiling sa Poong maykapal na dinggin ang tinig ng taumbayan sa habang kasalukuyang tinatahak ang “valley of darkness”. (DDC)