Transparency sa imbestigasyon ng ICI panawagan ng CBCP

Nanawagan ng transparency ang Catholic Bishops’ Conference of the Philippines sa ginagawang imbesitgasyon ng Independent Commission on Infrastructure sa flood control scandal.

Sa statement ng CBCP na nilagdaan ni Kalookan Bishop at CBCP President Pablo Virgilio S. Cardinal David, matapos ang matinding mga rebelasyon patungkol sa flood control projects, anumang mga hakbang para sa pagpapalit ng Senate leadership o pag-redirect sa imbestigasyon ay makapagpapalakas lamang ng hinala ng publiko sa pagkakaroon ng cover-up.

Sinabi ng CBCP na dapat tiyakin ang integridad sa imbestigasyon sa anomalya at dapat kasama sa mandato ng ICI ang pagkakaroon ng transparency sa lahat ng proceedings nito, findings, at rekomendasyon.

Dapat ding ma-access ang lahat ng dokumento at mga testigo nito kasama ang mga protektado ng political privilege at dapat isapubilko ang mga budget insertions at project allocations, kabilang ang mga kasama sa unprogrammed o duplicate DPWH projects.

Hinimok ng CBCP ang Kongreso at ang Malakanyang na patunayang ang kanilang paninilbihan ay para sa ikabubuti ng nakararami at hindi para sa partisan power. (DDC)