DPWH employees na masasangkot sa substandard o ghost projects otomatikong mawawalan ng PRC license

Lumagda ng kasunduan ang Department of Public Works and Highways at ang Professional Regulation Commission na layong patawan ng permanenteng pagkansela ang professional license ng mga empleyadong mapapatunayang sangkot sa substandard o ghost projects ng ahensiya.

Ayon kay Public Works Secretary Vince Dizon, mahalaga ang kasunduan sa pagitan ng DPWH at PRC upang mapanagot ang mga empleyadong sangkot sa ma-anomalyang proyekto at maiwasan na maulit pa ang mga kagayang iregularidad.

Ayon sa kalihim, hindi lang ito para sa accountability kundi upang matiyak na napapangalagaan ang pangalan ng institusyon at ang mga proyekto ng DPWH.

Samantala, hiniling din ni Dizon sa PRC na permanenteng i-revoke ang professional license nina dating DPWH District Engineer Henry Alcantara at iba pang empleyado ng DPWH na sangkot sa ma-anomalyong flood control projects sa Bulacan. (DDC)