12 Pinoy crew ng barkong inatake sa Gulf of Aden ligtas na lahat ayon sa DMW

Ligtas na ang lahat ng labingdalawang (12) Filipino crew ng Dutch-flagged cargo vessel Minervagracht matapos ang pag-atake na naganap sa Gulf of Aden.

Ayon sa Department of Migrant Workers maliban sa mga Pinoy, ang barko ay mayroon ding mga crew na Russian, Ukrainian, at Sri Lankan nationals.

Nakatakda nang umuwi sa bansa ang mga Pinoy seafarers sa darating na weekend.

Ayon kay DMW Secretary Hans Leo J. Cacdac, dalawa sa mga Pinoy crew ang ginagamot pa makaraang ang isa ay magtamo ng minor injuries habang ang isa ay nagtamo ng serious injuries pero nasa ligtas nang kondisyon.

Tiniyak naman ng DMW ang pagkakaloob ng tulong sa mga uuwing Pinoy kabilang ang financial aid at psychosocial counseling mula sa Department of Social Welfare and Development at medical check-ups mula sa Department of Health. (DDC)