Medical personnel ng PCG biyaheng Cebu lulan ng BRP Teresa Magbanua

Mula Maynila ay bumiyahe patungong Bogo City, Cebu ang mga medical personnel ng Philippine Coast Guard.

Sakay ng BRP Teresa Magbanua ang 36 na doktor, nurse, at iba pang medical personnel ng Coast Guard.

Tutulong ang team ng PCG sa mga nasalanta ng malakas na lindol sa Bogo City.

Isinakay din sa barko ng Coast Guard ang mga emergency medical equipment.

Samantala, ang Coast Guard District Southwestern Mindanao at Coast Guard Northeastern Mindanao ay magpapadala din ng tatlong barko sa Cebu.

Mayroon ding walong Coast Guard K9 units ang patungo na ng Cebu para tumulong sa search, rescue, and retrieval efforts.