Emergency na pagbili ng palay iuutos ng gobyerno

Nakatakdang maglabas ng executive order si Pangulong Ferdinand Marcos Jr. para sa emergency na pagbili ng gobyerno ng palay upang mapatatag ang presyo nito.

Ayon kay Agriculture Secretary Francisco P. Tiu Laurel Jr., nitong mga nagdaang araw ay muling sumadsad ang presyo ng palay dahil sa mga nagdaang sama ng panahon.

Ang farm-gate price ng palay ay mabilis na umakyat ng 14 pesos per kilo ilang linggo matapos ipatupad ang import freeze na nagsimula noong Sept. 1, mula sa 8 to 10 pesos pero kilo.

Pero nang magsimula ang anihan, muling bumagsak ang presyo sa ilang bahagi ng Northern Luzon at umabot na lang sa 6 pesos per kilo ang presyo ng basang palay.

Ayon kay Tiu Laurel, tinutugunan na ito ng pamahalaan at kabilang sa mga hakbang na pinag-aaralan ay ang mga sumusunod:

pagpalawig sa import ban ng kahit hanggang 30-araw
pagtatatag ng palay floor price
paghahanda ng executive order upang itaas ang taripa sa bigas
pagbabawal sa mga ahensiya ng gobyerno at LGUs na bumili ng imported na bigas
gumawa ng emergency purchase ng palay sa pamamagitan ng National Food Authority
at pagbibigay ng permiso sa NFA na umupa ng pribadong bodega upang mapalawak ang pag-iimbak (DDC)