Halaga ng pinsala sa agrikultura ng magkakasunod na bagyo, pumalo na sa P1.95B

Umabot na sa 1.95 billion pesos ang halaga ng pinsala ng bagyong Mirasol, Nando, Opong at Habagat sa agrikultura.

Ayon sa Department of Agriculture, mahigit sixty seven thousand (67,000) na magsasaka ang naapektuhan ng sama ng panahon sa mga rehiyon ng CAR, Ilocos Region, Cagayan Valley, Central Luzon, CALABARZON, MIMAROPA, Bicol Region, Western Visayas, Northern Midnanao, at SOCCSKSARGEN.

Kabilang sa napinsala ang mahigit forty-four thousand (44,000) na ektarya ng pananim na palay at mahigit sampung libong (10,000) ektarya ng pananim na mais.

May mga napinsala ding pananim na kamote at high-value crops at nakapagtala din ng 4.93 million pesos na halaga ng pisala sa livestock at poultry.

Ayon sa DA, nakahanda na ang mga agricultural input na ipapamahagi sa mga naapektuhang magsasaka kabilang ang mga palay, corn at vegetable seed na nagkakahalaga ng 766.42 million pesos.

Mamamahagi din ang DA ng tilapia, bangus at carp fingerlings sa mga naapektuhang fish farm. (DDC)