Pagbibitiw ni Zaldy Co tinanggap na ng liderato ng Kamara

Tinanggap na ng liderato ng Kamara ang pagbibitiw ni Rep. Zaldy Co bilang kongresista.

Sa press briefing sa Kamara, sinabi ni House Speaker Bojie Dy III na pag-uusapan pa ng liderato ng Kamara kung ano ang magiging usunod na hakbang matapos ang pagbibitiw ni Co.

Pero sa ngayon, ayaw pang sagutin ni Dy kung may ipapalit kay Co bilang kinatawan ng Ako Bicol Partylist.

Ayon kay Dy, naka-sentro ngayon ang Kamara sa budget deliberations at ito muna ang kanilang pangunahing prayoridad.

Ipinaliwanag naman ni House Ethics Committee Chair Jonathan Abalos na ang pagbibitiw ni Co bilang kongresista ay hindi nangangahulugang ligtas na siya sa anumang pananagutan. (DDC)