Panibagong bagyo posibleng mabuo sa loob ng PAR ngayong linggo

May panibagong sama ng panahon na may mataas na tsansang maging bagyo ang posibleng mabuo sa loob ng Philippine Area of Responsibility ngayong linggo.

Batay sa forecast ng PAGASA sa pagitan ng Sept. 29 hanggang Oct. 5 isang Tropical Cyclone-Like Vortex ang posibleng mabuo sa silangang bahagi ng bansa na kikilos patungong Luzon.

Ayon sa PAGASA mataas ang tsansa na ito ay maging isang ganap na bagyo.

Paalala ng PAGASA palaging i-monitor ang mga update mula sa weather bureau para sa anumang mga pagbabago sa taya ng panahon.

Una nang sinabi ng PAGASA na maaaring magkaroon ng dalawa hanggang apat na bagyo sa bansa sa buwan ng Oktubre. (DDC)