Kamara nag-isyu ng final warning kay Rep. Zaldy Co

Naglabas ng final warning ang House of Representatives kay Ako Bicol Partylist Rep. Zaldy Co para bumalik ito ng bansa.

Binigyan lamang ni House Speaker Bojie Dy si Co ng hanggang Lunes, Sept. 29 para umuwi ng Pilipinas at harapin ang mga alegasyon laban sa kaniya.

Babala ni Dy kung mabibigo pa ring umuwi ng bansa si Co sasailalim na ito sa lawful processes ng Kamara at magkakasa na din disciplinary at legal actions laban sa kaniya.

Ayon sa House Speaker, ang tamang paraan para harapin ni Co ang isyu ay hindi ang pagpapalabas nito ng mga statement habang nasa ibang bansa siya kundi ang umuwi siya dito sa Pilipinas at humarap sa proper forum.

Sinabi din ni Dy na ang pagbawi sa travel clearance ay hindi dapat ituring na “prejudgment” ni Co kundi isang oportunidad para masagot niya ang mga alegasyon laban sa kaniya. (DDC)