Lisensya ng driver na sangkot sa hit-and-run incident sa San Juan sinuspinde ng LTO

Pinatawan ng siyamnapung (90) araw na suspensyon ng Land Transportation Office ang lisensya ng driver ng sasakyan na nasangkot sa hit-and-run sa bahagi ng Santolan Road sa San Juan City.

Ipinatatawag na ng LTO ang driver at registered owner ng sasakyan para humarap sa pagdinig sa ahensya sa September 29.

Ayon sa LTO, ang posibleng maharap ang driver sa reklamong Reckless Driving, Duty of the Driver in Case of Accident, at Improper Person To Operate a Motor Vehicle.

Isinailalim na rin sa alarm status ang sasakyan habang nagpapatuloy pa ang imbestigasyon sa insidente. (DDC)