Sasakyang donasyon ni Henry Alcantara sa Parokya sa Bulacan, isasauli

Bagpasya ang Parish Priest sa San Pascual Baylon Parish sa Obando, Bulacan na isauli ang sasakyan na ibinigay ni dating DPWH 1st District Engineer Henry Alcantara sa Parokya bilang donasyon.

Ayon sa pahayag ng Parokya, June 1, 2024 nang mag-donate si Acantara ng Nissan Navara Pick-up sa simbahan

Tinanggap umano ito “in good faith” dahil sa pangangailangan na rin sa ginagawang pilgrimage o pagdalaw ng imahen ng Mahal na Birhen ng Salambao upang marating ang iba’t ibang parokya.

Gayunman, dahil sa mga lumabas na ulat at akusasyon ng katiwalian laban kay Alcantara, nagpasya ang Sangguniang Pastoral ng Parokya ng San Pascual Baylon na isauli ang donasyon.

Sa ngayon ay sinimulan na ang proseso upang maisauli ang sasakyan sa tamang paraan, wastong tao o institusyon at sa pamamagitan ng angkop na legal na proseso. (DDC)