Video footages sa kaguluhan sa Maynila bubusisiin ng CICC; grupong Black Mask Movement tutugisin

Magkakasa ng imbestigasyon ang Cybercrime Investigation and Coordinating Center o CICC kaugnay ng kaguluhang nangyari sa anti-corruption rally sa Maynila noong Linggo, Sept. 21.

Ayon sa CICC, humihingi na ito ng access sa video footage ng iba’t ibang media networks para matukoy ang pagkakakilanlan ng mga indibidwal na sangkot sa karahasan.

Iniimbestigahan na din ng CICC ang grupong Black Mask Movement dahil possible umanong kasama ito sa mga nanggulo sa pagtitipon.

Pagtitiyak ng CICC, matutukoy nila ang grupo at pagkakakilanlan ng mga miyembro nito at sisiguraduhing mahahanap sila ng mga otoridad para papanagutin.

Katuwang ng CICC sa isinasagawang imbestigasyon ang Department of Information and Communications Technology (DICT), National Computer Emergency Response Team (NCERT), at ang Philippine National Police (PNP). (DDC)