VP Sara Duterte bibiyahe patungong Japan
Muling bibiyahe sa labas ng bansa si Vice President Sara Duterte.
Biyaheng Japan si VP Sara gabi ng Biyernes, Sept. 19 kung saan ay makikipagkita siya sa Filipino community sa Tokyo at Nagoya.
May nakatakdang kilos-protesta ang Filipino community para kalampagin ang nagaganap na korapsyon sa Pilipinas.
Ipapanawagan din ng Filipino community ang pagpapalaya kay dating Pangulong Rodrigo Duterte na nakakulong sa The Hague, Netherlands dahil sa kasong crimes against humanity sa International Criminal Court bunsod ng madugong anti-drug war campaign.
Sinabi ng bise presidente na hindi maaaring ipagpaliban ang pagpunta niya sa nasabing event dahil “para ito sa bayan” na magdahil ito ay double na pananawagan kontra corruption at pananawagan sa ICC na palayain si dating pangulong Rodrigo Duterte,” dagdag ni Duterte. (DDC)
