Las Piñas LGU patuloy sa maigting na auxiliary feeding program para sa batang Las Piñeros

Pinangunahan nina Mayor April Aguilar at Vice Mayor Mel Aguilar kasama ang Las Piñas City Council, ang Auxiliary Feeding Program na nagbibigay libre at masustansiyang pagkain sa mga bata sa iba’t ibang lugar sa lungsod.

Nasa kabuuang 800 na benepisyaryo na karamihan ay pawang mga batang Las Pin̈ero ang naabutan ng rice with pork adobo at bottled water bilang pagtiyak na makatanggap sila ng malusog at nakakabusog na pagkain.

Ang pagkain ay inihanda mismo ng mga Nutritionist-Dietitians at Barangay Nutrition Scholars ng Las Pinas upang bigyang-pansin ang importansiya ng ng wastong diet na sumusuporta sa paglaki at pag-unlad ng mga bata.

Ito ay pinangasiwaan ni Las Piñas City Nutrition Office, OIC at City Nutrition Action Officer Dr. Julio P. Javier II, at sa tulong ng barangay nutrition officers at kawani para sa programang ito na sunasalamin sa malakas na pangako sa kalusugan at kapakanan ng mga batang residente. (Bhelle Gamboa)