15 luxury cars ni Discaya kulang sa dokumento; 10 tauhan ng BOC pagpapaliwanagin

Pagpapaliwanagin ang mahigit sampung (10) tauhan ng Bureau of Customs matapos matuklasan na ang mga mamahaling sasakyan ng mga Discaya ay walang sapat na dokumento.

Ayon kay Customs Commissioner Ariel Nepomuceno, nabigyan ng clearance ang labinglimang (15) sasakyan ng pamilya Discaya kahit hidni kumpleto ang dokumento ng mga ito.

Sinabi ng Customs Commissioner na magpapalabas ng show cause orders para pagpaliwanagin ang mga BOC personnel na itinuturing na persons of interest.

Kinabibilangan sila ng mga appraisers, examiners, at division heads mula sa mga iba;t ibang ports gaya ng Batangas, Cebu, Manila, at Manila International Container Port.

Tiniyak ni Nepomuceno na walang mangyayaring cover up sa kanilang imbestigasyon at mananagot ang mga mapatutunayang may sala.

Sa tatlumpung (30) luxury cars ng mga Discaya, walo (8) ang walang import entry records at certificate of payment at pito (7) naman ang bagaman may entry records per wala namang certificate of payment.

Ang labingapat (14) pang sasakyan ay mayroong import entry records at may certificate of payments, pero sasailalim pa sa post-clearance assessment para matukoy kung galing ang mga ito sa otorisadong car dealers. (DDC)