27 biktima ng human trafficking nailigtas sa Tawi-Tawi; 3 suspek timbog

Natimbog ng mga tauhan ng National Bureau of Investigation ang tatlong suspek sa Tawi-Tawi na sangkot sa qualified human trafficking.

Dinakip ang mga suspek na sina SANILYN HASHIM, NURSIDA ASANUDDIN at MOZAMIL HALON dahil sa paglabag sa Expanded-Anti Trafficking in Persons Act of 2022 at Migrant Workers and Overseas Filipinos Act of 1995.

Nailigtas naman ang dalawampu’t pitong (27) human trafficking victims na ayon sa pagsisiyasat ng NBI ay pagtatrabahuhin sa isang POGO hub sa Cambodia.

Nag-ugat ang operasyon sa reklamo ng isa sa mga biktima na nagsabing ni-recruit sila gamit ang online messaging platforms at pinilit silang paalisin gamit ang backchannels sa Tawi-Tawi patungong Malaysia bago magpunta sa Cambodia.

Mula Manila patungong Zamboanga hanggang Tawi-Tawi ay binantayan na ng mga otoridad ang biyahe ng mga suspek at ng mga biktima at nang makarating sila sa Sanga-Sanga Airport, Tawi-Tawi ay doon na ikinasa ang operasyon. (DDC)