China nagpakawala muli ng rocket; PhilSa nagbabala sa pagbagsak ng debris

Kinumpirma ng Philippine Space Agency ang paglulunsad ng Long March 7A rocket mula sa China.

Sa inilabas na abiso ng PhilSa, ang debris mula sa rocket launch ay maaaring bumagsak sa bahagi ng 58 nautical miles ng Dalupiri Island, Cagayan, 37 nautical miles mula Burgos, Ilocos Norte, 92 nautical miles mula Camiguin Norte, Cagayan, at sa 79 nautical miles mula Santa Ana, Cagayan.

Ayon sa PhilSA, ang rocket ay inilunsad sa Wenchang Space Launch Site sa Wenchang, Hainan dakong alas 10:00 ng umaga ng Martes, Sept. 9.

Hinikayat ng PhilSA ang publiko na agad ipaalam sa mga otoridad kung may makikitang kahina-hinalang debris.

Ayon sa PhilSA ang mga debris mula sa rocket ay agad babagsak ilang minute matapos itong ilunsad.

Pinayuhan ang mga residente sa nabanggit na mga lugar na huwag i-retrieve o huwag lapitan ang makikita nilang debris dahil maaaring kontaminado ang mga ito ng toxic substances gaya ng rocket fuel. (DDC)