Dating DPWH Asst. Dist. Engr. JP Mendoza nakatatanggap ng death threats mula sa nagpapakilalang “hitman”

Nakatatanggap na ng banta sa kaniyang buhay si dating Department of Public Works and Highways Assistant District Engineer JP Mendoza.

Sa pagdinig ng Infrastructure Committee sa Kamara, sinabi ni Mendoza na nakatanggap na siya ng mensahe sa viber na ang nakarehistrong pangalan sa numero ay “HITMAN”.

At bago ang kaniyang pagharap sa pagdinig ng InfraCom, tumatawag pa aniya sa kaniyang viber ang nasabing numero.

Nakiusap si Mendoza sa komite na bigyan siya at ang kaniyang pamilya ng proteksyon.

Sa kaniyang pagharap sa pagdinig, ipinakita ni Mendoza ang palitan ng viber messages nina Sen. Joel Villanueva at dating DPWH Dist. Engr. Henry Alcantara.

Ayon kay Mendoza, batay sa mga ipinakita niyang mensahe palitan ng mensahe sa viber humihingi umano ng government projects si Villanueva sa DPWH. (DDC)