MRT-3 rehab zero budget sa 2026

Walang inilaang budget para sa rehabilitasyon ng MRT-3 sa susunod na taon.

Sa pagdinig sa panukalang budget ng Department of Transportation sa Kamara, sinabi ni DOTr Assistant Secretary for Management and Finance Cecilia Bien, nagpanukala sila ng 2.7 billion pesos na budget para sa MRT-3 Rehab.

Gayunman, hindi ito nakasama sa 2026 National Expenditure Program.

Iginiit ni Bien na napakahalaga ng rehabilitasyon sa MRT-3 na isang continuing project.

Sa 2025 budget, 1.325 billion pesos na pondo ang inilaan para sa MRT-3 rehab. (DDC)