Libreng Uniporme para sa mag-aaral ng Daycare Centers, ipinamahagi ng Las Piñas LGU

Nakatanggap ng libreng school uniforms ang lahat ng mag-aaral sa daycare centers sa buong Lungsod ng Las Piñas.

Sa mahigit 4,000 na kasalukuyang naka-enroll sa CDCs, bawat isa ay may isang set ng bagong uniform kaya’t mapagtutuunan pang mabuti ang kanilang pag-aaral at hindi na kailangang mag-alala sa kakulangan sa kagamitan.

Ito ay ang kauna-unahang pagkakataon na ipinatupad ang ganitong programa sa Las Piñas, isang hakbang sa administrasyon ni Mayor April Aguilar upang lalo pang suportahan ang edukasyon at kaginhawaan ng mga kabataang Las Piñero. (Bhelle Gamboa)