Sec. Bonoan sinigurong hindi kukunsintihin ang katiwalian sa ahensya
Siniguro ni Department of Public Works and Highways (DPWH) Secretary Manuel Bonoan na hindi nito kukunsintihin ang mga katiwalian.
Siniguro din ng at gumawa na ng mga hakbang para matugunan ang iba’t ibang isyu at kontrobersya na bumabalaot sa ahensiya.
Sa video message ni Bonoan sinabi nitong ramdam niya ang hirap ng mga Pilipino na naapektuhan ng pagbaha at sinundan pa ng mga isyu s substandard na flood control projects na hindi katanggap -tanggap at ang mga balitang ghost projects na mismong si Pangulong Ferdinand Maros Jr. ang nakadiskubre sa kanyang pag l-iikot.
Para sa kalihim, hindi katanggap-tanggap at nakakasikip ng dibdib na tanggapain ang mga nangyayaring ito sa ilalim ng kanyang panunungkulan kahit na mahigpit at istrikto ang kanyang pinaiiral laban sa mga katiwalian.
Ayon pa kay Bonoan ,bagamat mayroon na nanawagan sa kanyang pagbibitiw sa puwesto dahil sa mga isyung ito, ay hindi ito madaling gawin o talikuran ang mga problema dahil hindi ito ang tamang paraan sa paghahanap ng solusyon , habang handa naman siyang tanggapin ang accountability dito at iginiit na hindi kukunsintihin ang anumang uri ng korapsyon na nangyayari sa kanilang ahensiya.
“Iyan po sana ang madaling gawin ang mag resign o talikuran ko ang problema , pero hindi po ang pag alis o ang pag resign o pag iwas sa problema ang tamang paraan ng paghahanap ng solusyon sa akin po tatanggapin ko ang accountability pero tandaan ninyo hindi ko kukunsintihin ang anumang uri ng korapsyon na nangyayari”,pahayag pa ni Bonoan.
Nilinaw naman ni Bonoan na mayroon na silang mga hakbang na ginagawa para mapanagot at makulong mga sangkot sa sinasabing anomalya sa flood control at ghost projects sa DPWH kabilang na dito ang pagbuo ng anti-graft and corrupt practices committee na siyang sumbungan; pagpataw ng preventive suspension sa mga empleyado ng Bulacan First engineering office mula sa District Engineer at sa lahat ng section chief; paglilipat sa Regional Director ng Region 4B.
Gayundin ang pagpapataw ng preventive suspension sa District Engineer na nanunuhol sa kongresista ng Batangas, paglilipat sa regional office ng mga assistant District Engineer at lahat ng mga section chief ng Batangas first engineering office at patuloy na pag validate kung nariyan pa ang ng mga flood control projects sa Bulacan at ibang lalawigan sa regions 3,4B,6,7 at 8 na kabilang sa isinumiteng listahan sa Pangulo sa mga flood control projects mula Hulyo 2022 hanggang Mayo 2025.
Sa huli, sinabi ni Bonoan na hangad niya ang kalutasan sa mga nasabing probleam na kagagawan lamang ng ilang sangkot na scalawag sa kanilang departamento, subalit mas marami pa rin ang matitino at mahuhusay na tao sa DPWH.
“Muli hinihinigi ko po ang inyong tulong na matukoy ang mga taong sangkot sa mga katiwalian sa mga pagawaing bayan..maaari po kayong magpadala ng mensahe at impormasyon sa hotline 16502 o mag email sa citizens_feedback@dpwh.gov.ph, bayan po natin ito magtulong tulong po tayo”, ayon pa aa kalihim.
