Las Piñas LGU naglunsad ng annual check-up para sa Kaagapay

Masayang tinanggap ng mga Kaagapay ng Las Piñas City ang kanilang screening at taunang check-up, isang programang naglalayong masiguro ang kalusugan ng mga tagapaglingkod sa pagpapanatili ng kalinisan sa komunidad, na ginanap sa Verdant Covered Court, Barangay Pamplona Tres.

Pinangunahan ni Mayor April Aguilar ang naturang aktibidad, katuwang ang City Environment and Natural Resources Office (CENRO) sa pamumuno ni Engr. Cezar Perillo, at ng City Health Office sa pangunguna ni Dr. Julie Gonzalez.

Bilang pasasalamat sa kanilang serbisyo, naghandog ang lokal na pamahalaan ng libreng medical consultations, laboratory tests, at dental check-ups para sa lahat ng Kaagapay. Layunin nitong subaybayan ang kanilang kalusugan at bigyan sila ng agarang payo at pangangalaga.

Sa suporta ni Mayor April Aguilar, natitiyak na ang bawat Kaagapay ay may malusog na katawan para makagpagpatuloy sa kanilang kabuhayan. (Bhelle Gamboa)