Wala pang TRO sa batas na nagpapaliban sa Barangay at SK Elections; Malakanyang, Senado, Kamara at Comelec pinagkokomento

Hindi pa nagpalabas ng Temporary Restraining Order ang Korte Suprema sa kinukwestyong batas na nagpapaliban sa Barangay at Sangguniang Kabataan Elections.

Sa halip sa isinagawang en banc Session ng Supreme Court, inatasan lamang ang mga respondent na magsumite muna ng komento ang mga respondent sa petisyon.

Ayon kay SC Spokesperson Atty. Camille L. Ting, kabilang sa inatasan ng SC na magsumite ng komento sa loob ng sampung (10) araw ang Malakanyang sa pamamagitan ni Executive Secretary Lucas Bersamin, ang Senado, ang Kamara at ang Commission on Elections.

Una nang naghain ng petisyon si Atty. Romulo Macalintal sa Korte Suprema at hiniling nito na mag-isyu TRO
RA 12232 dahil labag aniya sa Saligang Batas ang pagpapaliban sa BSK elections. (DDC)