Pinakamatandang Orangutan sa Avilon Zoo, pumanaw na

Pumanaw na ang pinakamatandang Bornean Orangutan sa Avilon Zoo sa Montalban, Rizal.

Inaunsyo ng pamunuan ng Zoo ang pagpanaw ng 40-anyos na si “Joey” dahil sa mga komplikasyon bunsod ng kaniyang edad.

Ayon sa pahayag, si “Joey” ay nasa Avilon na bago pa man magbukas sa publiko ang Zoo.

Isa si “Joey” sa mga kinagigiliwan ng mga bisita Avilon Zoo dahil sa taglay na laki ng katawan nito.

Sa comment section ibinagi naman ng mga netizen ang mga nakakaaliw na larawan at video ni “Joey” na kanilang nakuhanan sa pagbisita sa Zoo.

Ang Avilon Zoo ang pinakamalaking zoological institution sa Pilipinas kung ang pag-uusapan ay ang lawak ng land area at dami ng mga alagang hayop. (DDC)