Notoryus na drug pusher sa Cabanatuan patay sa buy bust operation

Nasawi ang isang notoryus na notorious drug pusher sa Cabanatuan sa ikinasang drug buy bust operation sa Brgy. San Miguel na Munti, Talavera, Nueva Ecija.

Ikinasa ang operasyon ng pinagsanib na pwersa ng Drug Enforcement Team ng Talavera Police Station (SDEU) at PIU-NEPPO Lunes (Jan. 25) ng alas 2:00 ng madaling araw.

Ayon kay Police Lt. Col. Heryl L. Bruno ng Talavera Police Station, kinilala ang suspek na si Jonas Romero alyas Joshua.

Si Romero ay kilalang notoryus na drug pusher sa Cabantuan.

Ayon kay Bruno, nakatunog ang suspek na pulis ang kanyang katransaksyon at agad na tumakbo at nagpaputok ng baril.

Agad namang nakaganti ng putok ang mga pulis na ikinasawi ng suspek.

Samantala nakuha sa suspek ang isang kalibre 38, mga bala at buy bust money at mga hihinalaang shabu. (D. Cargullo)