Konstruksyon ng Solis at Blumentritt Stations ng North-South Commuter Railway Project aarangkada na

Matapos mabinbin ng dalawang taon, sisimulan na ang kontsuksyon ng Solis at Blumentritt Stations ng North-South Commuter Railway Project sa Maynila.

Ayon kay Department of Transportation Secretary Vince Dizon nakipagtulungan ang ahensya kay Manila Mayor Isko Moreno para masimulan na ang konstruksyon ng dalawang istasyon ng tren dahil dalawang taon na itong delayed.

Sinabi ni Dizon n amula Solis hanggang Blumentritt ay nasa mahigit isang kilomtero lamang ang layo pero na-tengga ito ng matagal kahit taong 2023 pa nai-award ang kontrata sa Indonesian Consortium.

Ani Dizon nang maupo sa pwesto si Moreno ay nag-apply ng Letter of No Objection ang DOTr sa LGU para masimulan na ang proyekto at agad naman itong ibinigay ng Manila City Government sa loob lamang ng isang araw.

Tiniyak naman ni Moreno ang suporta ng Manila City LGU sa proyekto ng national government lalo na ang pakikinabangan ng maraming commuter. (DDC)