Imbestigasyon sa online gambling aarangkada sa senado

Gugulong na sa August 14 ang imbestigasyon ng senado sa online gambling.

Pangungunahan ni Senator Erwin Tulfo ang pagdining sa mga panukalang tuluyang mawakasan ang online gambling sa bansa.

Tiniyak ni Tulfo na ipaprayoridad ang mga panukala dahil lumalala na at maituturing nang krisis ang problema sa online sugal.

Sinabi ni Tulfo na bagaman nais niyang magkaroon ng total ban sa online sugal, sinisiguro naman niyang pakikinggan ang posisyon dito ng PAGCOR at Department of Finance.

Aminado si Tulfo na dahil sa kawalan ng umiiral na regulasyon ay walang habas at hindi kontrolado ang pagsusugal ng mga tao. (DDC)