Leptospirosis patients sa Ospital ng Maynila inililipat sa Sta. Ana Hospital

Matapos ianunsyo ng Ospital ng Maynila na nasa full capacity na ang kanilang mga Emergency Room, ilang pasyente na may leptospirosis ang inililipat na sa ibang pagamutan sa lungsod.

Ayon kay Manila OIC-City Health Officer Dr. Grace Padilla, inililipat ang mga leptospirosis patients sa
Manila Infectious Disease Control Center sa Sta. Ana Hospital.

Sa huling datos ng Ospital ng Maynila, mayroong animnapu’t anim na kaso ng leptospirosis sa pagamutan.

Kabilang dito ang dalawampu’t dalawang severe cases kung saan labingdalawa ang kailangang i-dialysis at tatlo ang naka-intubate.

Nakapagtala na ng pitong nasawi sa Ospital ng Maynila sa dahil sa leptospirosis. (DDC)