BSP inilatag ang mga bagong polisiya na ipatutupad para maprotektahan ang publiko vs online gambling

Isinasapinal na ng Bangko Sentral ng Pilipinas ang ipatutupad na bagong polisiya para maprotektahan ang financial consumers laban sa online gambling.

Sa ilalim ng ipatutupad na polisiya, sinabi ng BSP na ang mga bangko, e-wallets, at iba pang financial service providers ay aatasang magkaroon ng mas mahigpit na proteksyon laban sa anumang gambling-related harm.

Kabilang sa mga hakbang naipatutupad ng BSP ang mga sumusunod:

• Istriktong identity verification, kasama ang biometric checks at facial recognition
• Pagkakaroon ng daily limits sa gambling-related transfers para maiwasan ang sobrang laking financial losses
• Pagpapatupad ng time-based restrictions sa gambling payments
• Magkaroon ng user tools para sa personal spending caps, voluntary breaks, at pag-iwas sa gambling transactions

Ayon sa BSP, ang mga nabanggit na hakbang ay makatutulong para maiwasan ang sobrang pagka-adik sa online gambling. (DDC)