Barangay Bayanihan sa Las Piñas City; mga natatanging barangay personnel, pinarangalan

Bilang bahagi ng pagtatapos ng pagdiriwang ng ika-30 Police Community Relations Month, ginanap ang Culminating Night kung saan pinarangalan ang mga natatanging barangay personnel sa Las Piñas na nagpakita ng kabayanihan, malasakit, at pagtatanggol sa kanilang kapwa.

Ang seremonya ay dinaluhan ni Mayor April Aguilar at taos-pusong pinasalamatan ang mga Barangay Tanod at Barangay exo na ginawaran ng parangal.

Inihayag ng alkalde na ang kanilang dedikasyon at malasakit ay patunay ng tunay na diwa ng serbisyo-publiko at mahalagang katuwang ng kapulisan sa pagpapanatili ng kapayapaan sa lungsod.

Pinangunahan ang seremonya ni Col. Sandro Jay Tafalla, hepe ng Las Piñas City Police Station, na nagbigay-pugay sa mga ginawaran ng parangal at kinilala rin nito ang mahalagang papel ng mga barangay personnel sa pagpapaigting ng seguridad at pagkakaisa sa komunidad.

Ang nasabing aktibidad ay patunay ng matibay na ugnayan sa pagitan ng pulisya at komunidad—isang ugnayang binuo sa pagtutulungan, respeto, at malasakit para sa isang ligtas at maunlad na Las Piñas. (Bhelle Gamboa)