Petron Station sa Alabang Country Club isinara dahil sa gas leak

Pansamantalang isinara ang Petron Station sa Alabang Country Club makaraang makumpirma ang insidente ng gas leak.

Aupm sa pahayag ng Alabang Country Club unang naiulat ang gas leak sa Petron na nasa bahagi ng Acacia Avenue gabi ng Lunes, Aug. 4 makaraang i-report ng gwardya sa Gate 2 ang amoy ng singaw ng gasolina.

Agad nag-imbestiga ang Engineering Team at natukoy ang otensyal na gas leak mula sa fuel tanks ng Petron.

Agad namang rumesponde ang technical team ng Petron at ang mga tauhan ng Bureau pf Fire Protection at nagsagawa ng flushing operations magdamag.

Sa kabila nito ay mananatiling sarado ang gas station habang naghihintay ng clearance mula sa mga otoridad. (DDC)