Dengue at Leptospirosis Lane binuksan sa OFW Hospital sa Pampanga

Nagbukas ng Dengue at Leptospirosis Lane sa overseas Filipino workers Hospital (OFWH) sa San Fernando City, Pampanga simula araw ng Lunes, August 4.

Ang Dengue at Leptospirosis Lane ay maaaring magamit ng mga OFW at kanilang pamilya.

Layon nitong mabilis na mabigyan ng atensyong medikal ang mga nakararanas ng sintomas ng Dengue o Leptospirosis ngayong panahon ng tag-ulan.

Ayon sa Department of Migrant Workers (DMW) ang mga pasyente na nakararanas ng severe cases ng nasabing mga sakit ay agad ipadadala sa pinakamalapit na tertiary center.

Sa datos ng Department of Health mula Enero ay umabot na sa halos 124,000 na kaso ng dengue ang naitala sa bansa habang mahigit 3,000 naman ang kaso ng leptospirosis. (DDC)