Comelec nagdaos ng Special Voter Registration para sa PDLs
Nagsagawa ng special voter registration ang Commission on Elections para sa mga persons deprived of liberty o PDLs na nasa Manila City Jail.
Personal na binisita ni Comelec chairman George Erwin Garcia ang ginagawang satellite voter registration site kung saan target maiparehistro ang 137 na babaeng PDLs at 186 na lalaking PDLs.
Ayon kay Garcia, para makapagparehistro, ang mga PDL ay dapat residente ng lugar kung san sila boboto.
Ipinaliwanag ni Garcia na karapatan pa rin ng mga PDL ang bumoto hangga’t walang pinal na hatol sa kanilang kaso.
Noong nakaraang May 12 elections sinabi ni Garcia na nakapagtala ang Bureau of Jail Management and Penology ng mataas na voter turnout sa mga PDL na umabot sa 88 percent. (DDC)
