ER ng PGH punuan na; mga pasyente pinayuhang magpunta muna sa ibang ospital

Naglabas ng abiso ang Philippine General Hospital sa publiko na punuan sa ngayon ang kanilang emergency room.

Ayon sa PGH, lagpas na sa kapasidad ang kanilang ER dahil sa mataas na bilang ng mga pasyenteng dumarating sa pagamutan.

Dahil dito ay hinikayat ng pamunuan ng PGH ang mga pasyente na maghanap na lamang muna ng ibang ospital na maaaring magbigay ng agarang serbisyo.

Tiniyak naman ng PGH na nananatiling bukas ang emergency room nito para sa mga pasyenteng nasa kritikal na kalagayan. (DDC)