Research Vessel ng China namataan sa West PH Sea – PCG

Isang Chinese Research Vessel ang namataan ng Philippine Coast Guard sa bahagi ng West Philippine Sea habang nagsasagawa ng maritime domain awareness o MDA patrol.

Ayon kay PCG Commodore Jay Tarriela, sa kasagsagan ng MDA patrol, nakita ng PCG ang Chinese research vessel Xiang Yang Hong 05 na nasa 14.92 nautical miles mula sa Babuyan Island.

Ayon kay Tarriela, sa kanilang monitoring, ang naturang research vessel ng China ay pumasok sa Philippine exclusive economic zone noong June 7, umalis noong June 9 at nagsagawa ng marine scientific research sa parallel track ng Pacific Ocean malapit sa Guam sa loob ng 22-araw bago bumalik muli sa Philippine EEZ noong July 31.

Umaga ng Linggo, July 3 ay muling nakita ang barko sa 86 nautical miles mula sa Calayan Island, Cagayan.

Noong nakaraang linggo sinabi ng Philippine Navy na kahit masama ang paanhon sa Pilipinas ay umabot sa 23 Chinese vessels ang namataan nila sa West Philippine Sea. (DDC)