Hapon na miyembro ng “Luffy” syndicate arestado ng BI sa Taguig

Inaresto ng mga tauhan ng Fugitive Search Unit ng Bureau of Immigration ang isang Japanese national na miyembro ng notoryus na “Luffy” criminal syndicate.

Ang dayuhan na si Kensuke Kudo, 28-anyos at wanted sa Tokyo dahil sa pagkakasangkot sa fraud operation ay nadakip sa isang residential area sa Taguig City.

Sa report na natanggap ng BI mula sa mga otoridad sa Japan, si Kudo at iba pa niyang kasamahan ay nagpapanggap bilang law enforcement officers para mahikayat ang mga nakatatanda na ibigay sa kanila ang ATM at personal information.

Ang mga nakukuha nilang datos at impormasyon ay ginagamit nila para makapag-withdraw ng malaking halaga ng per ana aabot sa 1 Billion Japanese Yen.

Dinala na and dayuhan sa BI Warden Facility para sumailalim sa booking at documentation procedures habang ipinoproseso ang deportation proceedings laban sa kaniya. (DDC)