210 metric tons ng nakumpiskang smuggled frozen mackerel target ipamahagi sa mga nasalanta ng kalamidad

Hihilingin ng Department of Agriculture kay Pangulong Ferdinand Marcos Jr na payagang maipamahagi sa mga pamilyang sinalanta ng kalamidad ang mga nakumpiskang smuggled na frozen fish sa port of Manila at Subic.

Ayon sa DA, matapos ang pagsusuri ng Bureau of Fisheries and Aquatic Resources ang mga nakumpiskang smuggled frozen mackerel ay idineklarang “safe for human consumption” matapos na mag-negatibo sa histamine at iba pang microbiological contaminants.

Sinabi ni Agriculture Secretary Francisco Tiu Laurel Jr. ang kabuuang 210 metric tons ng frozen mackerel ay malaking tulong sa mga pamilyang nabiktima ng pagbaha bunsod ng Habagat at magkakasunod na bagyo.

Ayon sa kalihim, irerekomenda niya kay Pangulong Marcos ang pamamahagi ng nasabing mga frozen fish, at mula sa Bureau of Customs ay dadalhin ang mga ito sa Office of the President o sa Department of Social Welfare and Development para sa distribusyon. (DDC)